相機食先的女孩: 10月 2017

2017年10月30日星期一

【南紀白浜】性價比高漁市場～Toretoreとれとれ市場

【南紀白浜】和歌山縣有兩個出名嘅魚市場，一個係黑潮市場，另一個就係白浜嘅Toretoreとれとれ市場。黑潮市場感覺主要做遊客生意為主，相對下我就覺得tore tore值得去多d啦。

呢度最出名係燒海鮮，聽講質素平靚正，燒烤爐嘅入場費大概300yen，不過我哋來之前已經食咗嘢，所以冇試到。是次tore tore我哋嘅目標係刺身。

老實講，呢度嘅刺身質素都係唔夠同築地或者黑門市場高。但係呢度嘅刺身勝在整體價錢便宜，例如我買嘅呢個壽司拼盤只係2000yen！

帶子刺身都幾好，柔軟有鮮味，盛惠880yen！性價比算係好高！

不過馬糞海膽就比較貴，要5000yen左右，平時買開都只係3000yen。可能因為咁，我買嘅平平海膽丼嘅海膽屬普通貨色，唔係特別鮮甜，略為失望。

呢度都有劏吞拿魚show，如果時間啱不妨停低睇埋！

除咗刺身，仲有乾貨、手信、梅酒、水果等店舖。和歌山最出名梅，一早計劃好要買梅酒嘅我哋喺tore tore買就最啱啦，因為梅酒款式好多，仲有得試味，可以試到滿意先買。新鮮柑橘汁都幾好飲，不過印象中價錢偏貴，同埋都比較細杯，不過柑橘又係和歌山特產，循例都要試試嘅XDD

入面仲有一間賣雞蛋蛋糕布甸，230yen，上層係充滿濃郁蛋香嘅雞蛋蛋糕，下層係香滑嘅雞蛋布甸，一次過食齊兩種口感，超級超級好食！

仲有一間手信店賣梅酒蛋糕，蛋糕質地濕潤充滿酒香，令人回味。得tore tore 先有得賣咋！

門口仲有一間賣蕨餅同梅雪糕，都唔好錯過呢！

Tore Tore Market交通：
白浜駅外面乘坐「明光巴士」在" とれとれ市場前"下車
地址：日本和歌山縣西牟婁郡白浜野堅田2521
營業時間：8:30am-6:30pm
－－－

更多旅遊介紹可去我的facebook: 相機食先的女孩
Instagram Facebook Blogspot Ublog BE She GetReadyHongKong theZtyle itrial style-tips

Email: tung42329@gmail.com

✿ 歡迎邀稿│合作試用│出席活動 ✿

【南紀白浜】一泊二食推介~三楽荘

【南紀白浜】白浜最出名溫泉，一場來到當然要一泊二食。當時我住咗三樂莊，都幾唔錯，值得推薦。

1. 因為我唔係自駕遊，所以第一個考慮因素就係要交通便利，三樂莊正門就有明光巴士站，去唔同景點都好方便！

2. 第二樣就係要考慮食物評分，三樂莊喺樂天嘅料理部分評分幾高，食物豐富。

我揀嘅plan因為有伊勢龍蝦以及鮑魚兼喺房間享用，所以價錢稍貴，但係都只係14700yen（約HKD$1000）一位，同類白浜酒店來講，性價比算高！

不過早餐就一定要去餐廳食，而且早餐以西式為主，日式較少，美中不足。

3. 全部房間都係對住白良濱沙灘，環境一流。夜晚仲有得去沙灘玩煙花呢！

4. 溫泉方面，第一晚我去嘅女湯內一共有2個唔同泉水嘅湯池，唔算好大，但溫度適中，唔算多人，所以浸得好舒服。浴場每日都會對調一次，我呢啲超鍾意浸溫泉嘅當然會一早起身浸埋另一個溫泉啦！原來另一個會多一個湯池！

三楽荘交通：

白濱駅外乘坐「明光巴士」， "走り湯"下車
－－－

更多旅遊介紹可去我的facebook: 相機食先的女孩
Instagram Facebook Blogspot Ublog BE She GetReadyHongKong theZtyle itrial style-tips

Email: tung42329@gmail.com

✿ 歡迎邀稿│合作試用│出席活動 ✿

2017年10月23日星期一

港版美登利@十和田總本店

十和田以木系為裝修主調，格局高級，想不到價錢卻走大眾化路線，當中尤以不同配搭的壽司拼盤最為抵食。聽說11:30am至2:30pm供應的10件壽司Set才$99，比連鎖迴轉店更平！難怪獲某飲食雜誌稱為『港版美登利』。

這晚和男友看完電影，我就提議去十和田吃壽司。

甫坐下，侍應就遞上一部ipad給我們點餐，壽司、刺身、拼盤等分類清晰。我們兩個人索性點兩個壽司拼盤，晚餐每人不用$200，大件夾抵食！

火炙壽司拼盤（＄98）
一客有5件壽司，分別有芝士蝦，魷魚，吞拿魚，左口魚，三文魚火炙壽司。經過火炙的三文魚，保持三分熟的狀態，軟嫩豐膄，幾乎即溶於口！左口魚邊火炙後逼出油香，同樣肥美至極！芝士蝦我則覺得那片芝士有點畫蛇添足，反倒遮蓋了蝦的鮮味。魷魚壽司同樣滿意，口感爽彈有勁。吞拿魚輕輕燒過後帶有焦香。