2016年2月19日 星期五

尋找那些年的露營回憶@野玩山店

參加AYP,去行山、去露營,是我中學其中一個美好的回憶。記得當時我們每人都揹着沉甸甸的backpack,走一整天的山路,紥好營,最開心最期待的就是煮晚餐--腸仔青菜公仔面。一煮好大家就會急不及待地夾,那份美味至今仍然難忘(當然之後用那凍到入骨的山水洗煲,同樣歷歷在目)。
轉眼大家都已踏入人生另一階段,想不到這種青春的日子竟然可以在something wild回味。餐廳以露營為主題,到處都可見到露營用品,可以知道老闆一定很熱愛camping。
我覺得廚房外型也有點像外國流行的露營車Caravan呢!牆身及餐枱都採用木紋設計,令人猶如置身郊外, 感覺舒服自在。
 連牆身都是木紋,令人恍如置身原野 - 灣仔的野玩山店
連牆身都是木紋,令人恍如置身原野
 有很多行山露營的佈置,很有氣氛 - 灣仔的野玩山店
有很多行山露營的佈置,很有氣氛
 可以看到廚師煮食的情況 - 灣仔的野玩山店
可以看到廚師煮食的情況
 
服務員帶領我們入座,只見桌上放了暖水壺!小物件都如此用心,可見老闆的心思!(又令我不期然想起那個冷天大夥兒靠倒出來的熱水取暖
 餐包 - 灣仔的野玩山店
餐包 - 真的很喜歡那個暖水壺!餐包不太熱。
 
食物質素如何?無容置疑,一定比當年的好。前菜點了Camper's Salad 野玩沙律$108,配料有火腿、粟米、蕃茄、希臘芝士、紅洋蔥,顏色豐富,賣相吸引,味道意料之中,個人覺得作為前菜還可以,尚算開胃。
 Camper's Salad 野玩沙律 - 灣仔的野玩山店
小食選擇許多,全部都甚有創意,十分吸引,無奈要留肚主菜甜品,只點了一款Campfire Sardines on Toast 烤沙甸魚 $88。沙甸魚輕輕烤過,連蕃茄、甜羅勒菜和底下的脆多士一起吃,味道清新,一脆一軟,多重口感!不過都要注意吃沙甸魚時不要吃到正骨。
 Campfire Sardines on Toast 烤沙甸魚 - 灣仔的野玩山店
主菜點了餐廳招牌-- Chargrilled Short Rib 野外香烤牛仔骨($238),可以說是must-order!點了五成熟,一切就見到粉紅的牛肉,滲着肉汁,見到已興奮! 牛仔骨用特製醬汁燒烤,而且肉質很嫩滑,脂肪分佈平均,不會太肥,十分好食。我覺得不用點mustard就咁食就已經非常好味 。價錢$238(16oz), 適合二人分享。想大份一點或大夥兒聚會,32oz會更抵食, 價錢$388
 Chargrilled Short Rib 野外香烤牛仔骨16OZ - 灣仔的野玩山店
Chargrilled Short Rib 野外香烤牛仔骨 - 灣仔的野玩山店
另一主菜選了Mixed Seafood Skillet荷蘭鍋海鮮匯($168 for 2, $268 for 4), 欣賞餐廳有兩個價錢,人數少選二人份量就可試多些菜式,也不會造成食物浪費。而選用荷蘭鍋也是明智之選,不但賣相獨特,更配合camping主題,而且導熱均勻、保溫能力特強,就算我相機食先後,食物仍然熱騰騰。返回食物質素,蕃茄醬用上新鮮蕃茄,味道頗酸,但我反倒覺得開胃,不過伴碟的蒜蓉包太硬,沒有蒜蓉味。海鮮匯蝦、青口、蜆、墨魚仔、魚柳,款式不算多,二人份量尚可不會太飽肚,整體不過不失
 
Mixed Seafood Skillet荷蘭鍋海鮮匯 - 灣仔的野玩山店
加點了Whole Roast Corn野玩燒粟米($62)。原先沒想過點粟米,心想粟米經常都食沒甚特別,但店員既說是店內signature , 咁一場來到,都要試試的。 結果真的要給一個大笑臉原條粟米塗上自家調配的醬汁+蜜糖 去燒,令粟米更甜!而且火候控制好好,炭香味好出,有野外露營feel,十分惹味 相機食先之後,店員就會即場將粟米刨粒,不用怕食得論盡。 
Whole Roast Corn野玩燒粟米 - 灣仔的野玩山店
店員即場將粟米刨粒 - 灣仔的野玩山店
店員即場將粟米刨粒
粟米粒 - 灣仔的野玩山店
 一餐飯總要有甜品才算完美。和露營主題最夾的甜品,我選了Camper Bread Pudding 露營面包布甸($68),因為面包應該是行山最經常吃到的乾糧吧。成品上桌時熱騰騰,皮層香脆,內層軟綿綿,而這個bread pudding還 加入香蕉和朱古力醬,材料豐富,比較喜歡濕潤質感的人(例如我)一定會喜歡!不過,雖說加了香蕉,但味道都給濃郁的朱古力味遮蓋了,有點可惜。另外,美中不足的是少了一球雪糕 ,我還是喜歡那冰火交融的滿足呢!

Camper Bread Pudding 露營面包布甸 - 灣仔的野玩山店
總括而言,店內食物質素不俗,服務也佳,店員會過來問食物意見,可以看得出他們十分重視顧客的意見,也反映他們除了在環境佈置上花心思,也會留意食物的質素,值得一讚!店內的空間也很充足,桌與桌之間有足夠距離,很適合聊天談心。
食物大合照! - 灣仔的野玩山店

---
野玩山店
灣仔軒尼詩道288號英皇集團中心1樓101-104號舖

2016年2月9日 星期二

【首爾美食】A Twosome Place@韓國

A Twosome Place@韓國

-


食過最好食既tiramisu都係韓國連鎖coffee shop-twosome place既出品🍰 蛋糕超級濕潤,咖啡味同蛋香味道同樣濃郁😍😋 cream cheese亦都好輕盈,食完都唔會話特別飽濟👍🏻 高質!後面果杯strawberry latte🍓係係韓國士多啤梨當造既時候飲架,士多啤梨味道夠fresh,又酸酸甜甜好開胃😚 之前成日都飲架! 好掛住~😢 去twosome place一路做assignment一路飲好野食靚cake真係好悠閒好舒服好正😢🍃 效率都快兩倍😆
-



價錢:tiramisu 5600won ;strawberry latte 5300won
好味指數:❤❤️❤️❤️❤️(5❤為最高)
抵食指數:❤❤️❤️❤(5❤為最高)


【首爾美食】Florte Flower Cafe@首爾弘大


Florte Flower Cafe@首爾弘大
-



弘大人氣好高既花花cafe🌺 原因係環境好靚😍 而且勁多道具俾人影相,仲可以帶埋花環添😂 果日去店內8成都係香港人唔知咩事😅 不過d野食就.... 睇得唔食得😑 d野飲都算好勉強地過得去,但圖中呢件tiramisu真係一個大伏🙈 難食到唔知點形容😞 完全食唔到平時tiramisu應該食到既味,怪到一個點🙄 想影相既話可以過黎,但想食好野既話真係千祈唔好黎😂😂
-

價錢:5000won
好味指數:❤(5❤為最高)
抵食指數:❤(5❤為最高)

Related Posts Plugin for WordPress, Blogger...