2017年7月26日 星期三

【敏感肌適用+智能調色+防曬功能】Klairs透亮保濕BB Cream

女孩係敏感肌,所以用仼何產品都會小心睇成分!
最近試用嘅呢支Klairs ILLUMINATING SUPPLE BLEMISH CREAM(透亮保濕BB Cream,$180)攞好多beauty award

原來klairs呢個牌子旗下所有產品好岩敏感肌,成份溫和唔複雜
而呢隻BB Cream可因應不同膚色智能調色,我淨係薄薄塗一層已經遮到細紋泛紅,亦唔會過白
我自己最鍾意偽素顏,用完呢支BB Cream真係望落膚色健康自然咗,好開心

最重要係呢隻BB Cream嘅質感好透薄,令到個妝好自然同貼服,
如有明顯瑕疵嘅都可以逐層搽去提高遮瑕效果 !

BB Cream仲有透明質酸、維他命B3及蘆薈葉提取物,不過我自己通常都會喺妝前做好保濕工作,咁就一定唔會浮粉亦唔會泛油
支BB Cream本身仲有SPF40防曬功能,夠晒方便。

Klairs 全部產品都可以去Wishh! 門市買~

---
參考資料:
website:http://www.wishh.com.hk/html/shop_list.htm
facebook:https://www.facebook.com/klairshk/
                   https://www.facebook.com/WishhBeauty/

  ✿產品由Wishh!提供,但本文章所發表的內容純屬個人意見及分享。因此,如需協助或希望獲得更多有關產品資訊,請直接聯絡Wishh!查詢或∕和尋求相關專業意見。如從而引起任何損失或法律糾紛,本人概不負責。 ✿

Email: tung42329@gmail.com
✿ 歡迎邀稿│合作試用│出席活動 ✿


2017年7月23日 星期日

在古董雨傘店來一場逃離@Foxglove

如非刻意拜訪,單看門面,一定會以為這只是一家英式古董雨傘店,誰會想到,雨傘店內有乾坤,foxglove正是隱藏在背後的一間英式Jazz Bar!
Foxglove的相片 - 中環
走進通道,跟「雨傘店店員 」說你的訂座名字密令,店員就會抽起雨傘筒內其中有機關的一把雨傘,然後牆身就會緩緩打開,猶如電影特務一樣。
Foxglove的相片 - 中環
Foxglove的相片 - 中環
走進餐廳又有另一感覺,你會發覺自己置身於一個華麗又神秘的地下室,灰色的大理石吧檯,以及高級質感的皮革梳化椅,精緻華麗,衣香鬢影,感覺返回五六十年代的英國上流社會的地下酒吧。
Foxglove的相片 - 中環
Foxglove的相片 - 中環
Foxglove的相片 - 中環
Foxglove的相片 - 中環

Peruvian Ceviche  Ceviche是秘魯名菜,但這兒的出品頗有日式fusion感覺。用上柔軟鮮味的吞拿魚以及北海道帶子刺身,加入軟滑的牛油果以及晶瑩通透的石榴增加口感,配上酸酸甜甜的柚子醬汁,是十分開胃清新的一道前菜。
Foxglove的相片 - 中環

Pesto Tiger Prawn Gemelli /Braised Beef Cheek
虎蝦不算大隻,但絕對新鮮彈牙,而Gemelli螺絲粉柔韌度恰好,用上我自己十分喜歡的香草醬,香氣撲鼻,惹味極了。而牛面頰亦頗有水準,炆得軟腍鬆化,而且保留肉汁不會太乾身。墊在底下的薯蓉香滑之餘亦飽肚。
Foxglove的相片 - 中環

Chocolate & Raspberry Tart / Green Tea & Sesame Tart 想不到這兒的甜品亦令人難忘,店員早已細心地把甜品切開分給我們,先試試朱古力紅桑子撻。朱古力用上優質朱古力品牌valrhona,味道濃郁帶可可苦澀,細嚐又能吃到紅桑子醬,甜酸交錯,完全不覺甜漏。綠茶配芝麻亦是有驚喜的配搭,口感細滑,而且兩者亦平衡得宜。
Foxglove的相片 - 中環

餐廳有一部分是酒吧,是晚Friday night,我們都想放鬆一下,服務員推薦了兩款比較受歡迎的cocktails給我們。
New York Sour
賣相特別,酒精輕盈,很容易入口,加上面頭的蛋白泡泡,令到口感很有層次。
Foxglove的相片 - 中環
Jasmine Paloma  用上龍舌蘭、西柚汁、茉莉花、青檸汁,還有黏在杯邊的鹽,一口能嚐盡香甜鹹酸,味道過癮又刺激。 
Foxglove的相片 - 中環

餐廳幾乎每晚都有爵士歌手駐場表演,當晚亦不例外。大概9pm,餐廳就會調暗燈光,舞台燈光亮起,表演者表演投入,美妙的歌聲令人聽得如癡如醉......令人忘卻一整天的煩惱、辛勞......
Foxglove的相片 - 中環
可惜夢總有完結的時候,再次來到雨傘店時,見到出面五光十色的中環,以及無休止的都市日常,心中竟不期然有一絲絲的落幕。
---
Foxglove
中環都爹利街6號印刷行2樓
---
更多美食介紹可去:


Email: tung42329@gmail.com
✿ 歡迎邀稿│合作試用│出席活動 ✿

2017年7月22日 星期六

免費jurlique facial (7月限定)

我好鍾意玫瑰系列嘅skincare!
玫瑰清香令人好放鬆,而且鎮靜保濕好好。
 我呢個小師奶最近見到jurlique facebook有免費facial 服務,就book佐海港城facesss分店去試。

開頭其實冇咩期望,但點知又幾好喎,好認真。
有30min咁耐,仲要敷mask紙。

BA會根據皮膚狀況而揀番合適嘅產品去用,
可能我有泛紅問題,所以主要用佐玫瑰系列。
比較impressed 嘅係有隻保濕清潔面膜,用完真係白淨佐。
不過我冇買到,可能下次用完屋企嗰d會考慮。



值得一讚嘅係呢間分店嘅所有BA,特別係嗰日serve我嘅Cally服務超好又超細心
其實我覺得近年好多專櫃嘅sales服務都麻麻,
對內地同胞就好熱情,對香港人就答你多一句都嫌煩咁,
所以我要特登寫文表揚下佢,哈哈~
大家如果想試呢個facial都可以去jurlique Facebook 睇下,去到7月尾咋!



  ✿產品於facebook登記參加,本文章所發表的內容純屬個人意見及分享。因此,如需協助或希望獲得更多有關產品資訊,請直接聯絡Skin Laundry查詢或∕和尋求相關專業意見。如從而引起任何損失或法律糾紛,本人概不負責。 ✿


Email: tung42329@gmail.com
✿ 歡迎邀稿│合作試用│出席活動 ✿

福岡五大人氣甜品の評論

1.蜂楽饅頭
博多阪急B2嘅超市就好似銅鑼灣SOGO嘅B2,吃貨必到。識揀梗係要揀d香港仲未進駐嘅,呢間福岡老店嘅蜂樂饅頭值得一試!其實即係類似車輪餅,不過餅皮就落佐國產嘅蜂蜜。
試齊黑白(紅豆同白鳳豆)兩種口味,兩款都好味。甜度適中,餅皮煙韌,紅豆豆沙軟綿得黎又食到粒粒口感;白鳳豆口味香港比較少見,不過都唔錯,味道清甜。每個冇記錯都係100yen咋,口痕食下岩曬。
PS. 岩田屋超市同福岡阪急都有舖!
 2. 果実工房 新Sun.
博多阪急B2超市嘅果実工房 新Sun,主打高級水果撻,我由day 1見到已經想食,但次次夜晚去到都售罄,因為勁多日本人買, 結果到差不多最後一日嘅下午,我地決定買佐先講。 揀佐宮崎芒果撻 以及 車厘子撻 ,兩款賣相都好吸引, 不過可能期望越大,失望越大,兩款嘅撻底都屬於厚實型,唔係酥脆嗰類,唔係我杯茶。水果特別係宮崎芒果亦冇甜到令人驚艷嘅程度,有d失望。
 3. Mon Cher 
一直覺得 Mon Cher堂島卷蛋好食,忌廉香濃而不膩,雖然香港都有分店,但來到日本當然要留意期間限定的口味。今次去就有期間限定的檸檬味!買佐半條黎試,檸檬味道突出得來好清香,味道清新,食落酸酸甜甜,一d都唔漏,正!
 
4. Café del SOL
黎日本一定要食pancake,揀佐呢間好多人話好食嘅 Cafe de Sol ,但都幾失望下。食過東京bills同北海道円山真係番唔到轉頭,會對pancakes好高要求。 呢間雖然比較大份同價錢較平(除佐caramel嗰款,其他唔過hkd100),但完全冇蛋香,質感都未夠fluffy,點佐三款唔同都係靠各自嘅sauce帶味,但maple syrup又唔夠濃,芒果嗰款落嘅椰奶又好淡,比較好食係焦糖。
 
  飲品點佐honey banana milk,有d似香蕉奶昔,因為新鮮即整,所以都幾好飲,但質感比較稠,所以都幾飽濟,同埋飲管唔夠粗,飲得比較辛苦。 留意番,呢度每人最少一個order。
 
 5. Il Forno Del Mignon
其實....我對呢度嘅牛角包係極度失望。次次去博多站都見到有好多人排隊,諗住d貨去得快,點都唔會差啦,點知作為一間名店都真係幾唔得,我絕對懷疑係咪純粹因爲地理位置方便先咁多人買。牛角包原味欠牛油香,外層微焦乾身,食落完全冇外酥內軟,整體口感欠層次。我仲試佐朱古力味、almond同明太子味,都係唔ok。其實香港 Urban Bakery、LE SALON DE THE de Joel Robouchon 嘅岀品真係岀色太多。



 -------------------
 其他福岡遊記:
豐富的懷石料理@由布院山光園
由布院一泊二食推介--山光園
海之中道海濱公園
 ------------------------------
更多福岡北九州美食介紹可去:
Email: tung42329@gmail.com
✿ 歡迎邀稿│合作試用│出席活動 ✿

2017年7月20日 星期四

【睇花、睇動物、玩歷奇活動】海之中道海濱公園

福岡景點之中,我最鍾意海之中道海濱公園,如果下次去福岡,我都會再去一次!
嗰度有許多可愛嘅動物,例如馬、孔雀、草泥馬、猴子等,最估唔到係竟然連袋鼠都有!

另一個area就係親子區,有超長滑梯同兒童樂園,仲有好多啱大人玩嘅歷奇活動,連我玩都覺得好刺激。仲有泳池,岩曬小朋友玩水!



另一重點係--四季都有花睇!我6月頭去仲未開始花展,但已經有玫瑰、菖莆花、紫陽花、繡球花, 開得好靚,身處花海,影profile pic 冇難度呢!
 
 
  :
 人場費: 
日圓 410 (成人) 
日圓 80 (小童) 
日圓 210 (65歲以上長者)
 溫馨提示博多岀發,會經香椎站轉車;如果想睇動物先,可以喺海ノ中道駅落車,如果想睇花,則可以西户崎站先落
-------------------
 其他福岡遊記:
豐富的懷石料理@由布院山光園
由布院一泊二食推介--山光園
 ------------------------------
更多福岡北九州美食介紹可去:
Email: tung42329@gmail.com
✿ 歡迎邀稿│合作試用│出席活動 ✿

我的懷石料理初體驗@料理人上田

懷石料理被譽為日本最高級的料理,無論對食材、烹調技術甚至餐具擺放都相當講究。會席料理試過許多次,但真正的懷石料理我卻從未接觸,對懷石料理,老實說,認識並不深。
料理人上田的相片 - 中環

這晚和妹妹來到的料理人上田來自愛媛縣,由擁有20年烹調料理經驗的上田建二先生主理,是我的懷石料理初體驗。
料理人上田的相片 - 中環
料理人上田的相片 - 中環

一開升降機門,侍應就立即有禮地領我到飯桌,只見桌上放了一只紙鶴,像是送給客人的祝福,留下很好的印象!侍應告訴我們這兒不但大部份食材都是日本直送,其實連餐紙、餐具等都是在日本訂購!果然是懷石料理,每一個細節都一絲不苟。
料理人上田的相片 - 中環
料理人上田的相片 - 中環

前菜
前菜很有特色,鮑魚上放了香口的炸秋葵,底下墊了黏糯的糯米飯,而醬油則成了啫喱狀,加上粒粒綠豆做的蒟蒻,製造豐富的口感。我特別喜歡醬油變了啫喱狀的口感,甜甜的,和糯米飯岀奇地配合,十分新奇的食感。
料理人上田的相片 - 中環


一打開「花火湯」,就見到七彩繽紛的顏色,果然湯如其名,有如放煙花般繽紛。內裡有蝦丸一顆,但有點失望的是蝦丸口感較腍,鮮味不太突出。
料理人上田的相片 - 中環
料理人上田的相片 - 中環
料理人上田的相片 - 中環

鮮(本日之刺身三種)
雖然餐牌寫着三種刺身,但師傅十分慷慨地給了我們四款,也許是因為今晚師傅心情好吧!是晚刺身有鯛魚、深海池魚、中拖羅和海膽
料理人上田的相片 - 中環
先試鯛魚和深海池魚,兩款都厚切新鮮,口感飽滿,鯛魚肉質細嫩,深海池魚細嚼下魚味慢慢滲岀,各有千秋。
料理人上田的相片 - 中環
中拖羅紋理分明,看外表已知豐腴肥美,果然入口即溶,完全無筯。
料理人上田的相片 - 中環
海膽亦十分滿意,用上北海道馬糞海膽,色澤鮮明,味道非常鮮甜!
料理人上田的相片 - 中環


這道味噌煮鰈魚又是另一令人拍案叫絕的菜式!鰈魚肉質嫩滑,而且吸收味噌的味道,食落甜甜的,味道討好。
料理人上田的相片 - 中環
料理人上田的相片 - 中環


盛合有四款季節食材,每款都盡顯fusion精神。
料理人上田的相片 - 中環
先試匙羹上的海膽蓮霧,蓮霧盡吸麵豉湯的味道,加上北海道海膽和蝦的鮮味,令味道更加提升。帶子伴茄子也很有心思,鮮甜的帶子刺身用兩片煮得軟腍的茄子夾在一起,然後淋上蛋黃醬,口感豐富,味道意想不到的好!
料理人上田的相片 - 中環
紫蘇魚鰻魚天婦羅炸得脆薄,薄薄的一層脆漿加上肉嫩的鰻魚,好吃,真想來多一件呢!
料理人上田的相片 - 中環
劍魚只簡單煮熟,魚味很濃郁,並加上少許wasabi提鮮。
料理人上田的相片 - 中環

和牛
A4鹿兒島和牛切成薄片,淋上秘製醬汁及橄欖油,香氣撲鼻。雖然牛味頗濃,肉質柔軟,但牛脾肉始終比較嚡口,不是我杯茶。
料理人上田的相片 - 中環

御飯(壽司五種)
五款壽司分別是鯛魚、深海池魚、中拖羅、海膽和牡丹蝦,有點可惜的是和刺身款式類同,但驚喜的是師傅的握壽司實力一班,米飯握得有黏性而毫不鬆散,入口保持微溫,加上師傅早在刺身𠝹了幾下,令到刺身入口更加爽口彈牙,非常好吃。
料理人上田的相片 - 中環
牡丹蝦的蝦殼還物盡其用,用來熬湯呢。
料理人上田的相片 - 中環

甜品
懷石甜品一般只有和菓子,但是晚甜品竟然是抹茶卷蛋,還要有兩件,抹茶控表示興奮!卷蛋很有彈性,輕輕一按有回彈,而忌廉亦做得輕盈,如果抹茶味能夠濃郁多些就更好了。伴碟的提子想必也用上日本來貨,食落非常清甜。
料理人上田的相片 - 中環

上田先生的懷石料理糅合了西方食材和傳統日式細膩的煮法,每一道都盡顯個人特色,令人驚喜。惟一可惜的是未有安排坐吧枱,觀摩上田先生的煮食過程,或與他交流,但整晚侍應的殷切服務也是值得一讚的。聽說懷石料理餐單每個月轉一次,有機會一定會再來!
---
料理人上田
中環士丹利街11號3樓
---
更多美食介紹可去:

Email: tung42329@gmail.com
✿ 歡迎邀稿│合作試用│出席活動 ✿
Related Posts Plugin for WordPress, Blogger...